وزیراعلیٰ نے کتاب ’’وہ 17 دن‘‘ کا اجراء کیا

دہرادون۔ وزیر اعلیٰ پشکر سنگھ دھامی نے نئی دہلی کے اتراکھنڈ سدن میں کتاب ’وہ 17 دن‘ کا اجرا کیا۔ کتاب ’وہ 17 دن‘ سلکیارا ٹنل میں پھنسے مزدوروں پر مبنی ہے۔ وزیراعلیٰ نے سلکیارا ٹنل کے حوالے سے اپنے تجربات بھی بتائے اور کہا کہ 41 مزدوروں کو بحفاظت نکالنا ایک بڑی کامیابی ہے۔ وزیر اعظم نریندر مودی کی رہنمائی سے ہی ریسکیو آپریشن کامیابی سے مکمل کیا گیا۔ اس دوران وزیر اعلیٰ نے کتاب کے مصنف راجیو رنجن سنگھ کو مبارکباد دی۔ انہوں نے کہا کہ مثبت اور تجربات سے بھرپور یہ کتاب یقیناً پڑھنے کے لائق ہے۔ اس موقع پر بی جے پی کے سابق نائب صدر شیام جاجو، سابق ایم پی ڈاکٹر ریتا بہوگنا جوشی اور کتاب کے مصنف راجیو رنجن سنگھ موجود تھے۔